Dette skuleåret dreg små og store elevar til Meland Aktiv og symjehallen på Nordhordland folkehøgskule. Det er triveleg å ta bussen i lag til Frekhaug, og elevane er flinke til å  køyre buss! Belta tek dei på, og dei sit rett veg i seta!

Bussen svingar først innom til symjing før det ber vidare til gym i den store, flotte hallen. Der disponerer vi 2/3 av salen, og kan ha skiljevegg mellom slik at det vert to elevgrupper kvar for seg.

Symjinga går i bolkar på 6 veker, før ein startar med ei ny symjegruppe. Slik får elevane intensive økter, og forhåpentlegvis betre utbyte av undervisinga.

Elevane gjer uttrykk for at dei synest det er kjempekjekt at heile skulen har kroppsøving samtidig. Lærarane synest og at dette er ei god ordning, både sosialt og ikkje minst fagleg.

Bilete til høgre: På veg til kroppsøvingstime på Meland Aktiv (Foto: Petrin).