Leseaksjonen starta opp torsdag med besøk på bokbåten Epos. Vi song bursdagssong for bokbåten som er 50 år, med vaiande flagg i hendene. På bokbåten var det framføring av biletboka Himmelspringaren . Dette er ei bok om eit mislikt lilla lam som til slutt redda saueflokken frå jerven. Elevane lånte så bøker, og fekk med seg bolle og ballong.

      Småtrinnet hadde besøk av forfatter Bente Bing Kleiva i dag. Ho las frå boka si "En løvetanndrøm" og fortalte om korleis den blei til. Ho las også eventyr frå den nye "Eventyrboka"  som ho hadde laga sjølv.  Den er så fersk at elevane på Flatøy var dei fyrste som fekk høyre eventyr opplest frå forfattaren sjølv. Elevane tykte det var morosamt med besøk, og mange vil nok gjerne lese boka i løpet av leseaksjonen.
Bokheksa kom også på besøk på skulen i dag i fyrste time. Skummelt!

      I vekene som kjem vert det ulike leseaktivitetar rundt på skulen. Det vert lesekvart heime og på skulen, leseloft, eventyr i lavvo, dramatisering av bøker og mykje meir.
Målet med leseakjsonen er å skape leselyst og leseglede.

      Bilete til høgre: Forfattar Bente Bing Kleiva las frå si eiga bok "En løvetanndrøm"