Leseaksjonen vart i dag avslutta med felles samling for heile skulen. Det har vore lest i kvar krok på heile skulen under heile aksjonen, og lesegleda har vore stor.
Elevane har lest både heime og på skulen, dei har lest sjølv og blitt lest for, dei har lest både høgt og stille, dei har lest mange forskjellige genre og dei har skrevet små forteljingar som andre har kunna lese.

På småsteget har klassane laga ein bokorm som veks for kvar bok elevane les. Den har blitt skikkeleg lang i alle klassane. På mellomsteget har dei boklister der elevane fører opp bøkene dei har lest. Også desse listene har vorte veldig lange.

Ein grunn til at leseinteressa har vore så stor, kan vere at vi har hatt ekstra mykje bøker tilgjengeleg. Vi fekk nye bøker til lån frå bokbåten då aksjonen starta. Seinare fekk vi bokboksar til alle klassane frå Meland bibliotek, og samstundes har vi styrka eige skulebibliotek.

No vonar vi at elevane heldt leseinteressa oppe, og at det vert mange harde pakker under juletreet i år :)

Tidlegare saker om leseaksjonen på nett:
Spanande leseaksjon
Leseaksjonen er i gang

Lesetips frå skulebiblioteket:   Barnebok.no

Biletetil høgre: Bokpremier vart trekt ut på avslutninga i dag (Foto: Petrin)