Elevane frå Flatøy skal besøke Sagstad skule tre torsdagar framover. 3. og 4. klasse startar opp torsdag 27. mai. Deretter vert det 1. og 2. klasse si tur 3. juni, og til slutt 5. og 6. klasse torsdag 10. juni.
Planen er at dei tek same buss som kjører til bading og gym, og at dei tek rutebuss tilbake til Flatøy.
På Sagstad skule vil elevane få møte elevane på same årssteg, og som dei vil kunne kome i klasse med til hausten. Dei vil gjere aktivitetar saman og få sjå seg litt rundt om på skulen.
Forrige onsdag vart det sendt ut skjema frå Sagstad skule om ønskjer for neste skuleår. Svarfristen var veldig kort sidan ein håper å ha kontaktlærarar og klasseinndeling klart til 1. juni.
Elevane som deltok på Tinestafetten fekk ikkje skjema med heim før helga. Desse får utvida svarfrist til fredag 21. mai.