| 1. og 2. klasse starta
dagen med byvandring. Dei har hatt temaarbeid om steinar dei siste
vekene, og hadde same tema for byvandringa. Dei så på skulpturar,
bygningar av stein og traff Håvard ved den blå steinen. På Vilvite var
dei med på opplegget "Potet
i dødehavet". Det vart ein morosam og lærerik undervisningsøkt.
3. og 4. klasse starta dagen på
Vilvite-senteret. Dei skulle følgje eit opplegg med tema "Kroppen
din". Etter undervisningsøkta fekk dei boltre seg i
vandreutsillinga "Lek
og spill". Siste del av dagen var det byvandring med oppgåver. Dei
besøkte mellom anna Bystasjonen og Jernbanen.
Elevane på mellomsteget starta med
byvandring, og hadde fokus på "mellomalderbyen" Bergen. Dei starta på
festningen og gjekk forbi Bryggen og torget fram til Vilvite-senteret
på Møhlenpris. Der fekk dei vere med på "Elektroverkstaden".
Ekskursjonen til Bergen vart til fordi vi måtte
avlyse skidagen i vinter og hadde transport til "gode". Elevar og
lærarar var svært nøgd med byturen og læringsutbytte.
Dei fleste var samd i at einaste skår i gleda var at vi skulle hatt
meir tid på Vilvite :)
Meir om Vilvite på www.vilvite.no
Bilete til høgre: Unge forskarar
frå Flatøy skule |
